Alamat Ni Manny Pacquiao (Ika-34 Bahagi): Ang pagsikat at paglubog ni Manny Pacquiao sa dibisyon ng welterweight

  • Page Views 381
  • Mula noong kanyang unang laban bilang welterweight, nanatili ang ang dakilang Pilipinong mandirigma sa ibabaw ng ring — si Manny Pacquiao — hanggang sa panahahong ito sa nasabing 147 librang dibisyon maliban sa dalawang pagkakataong pagbaba niya sa junior-welterweight (140 libra) at pag-akyat sa mas mataas na timbang sa super-welterweight (154 libra).

    Unang nakasagupa ni Pacquiao sa kanyang bagong dibisyon ang maalamat na si Oscar DeLa Hoya, 1992 Barcelona Olympic gold medalist at 11 beses na world pro champion sa anim na weight division, kabilang ang lineal championship sa tatlong weight classes.

    Ang 12 round na sagupaan na walang nakatayang korona na bininyagang “The Dream Match,” ay ginanap sa MGM Grand noong Disyembre 6, 2008 makaraang lumipat ang Pilipino mula sa kategorya ng lightweight kung saan ay kapapanalo lamang niya ng titulo sa pamamagitan ng KO sa ninth round kay David Diaz.

    Bagamat umakyat ang Pambansang Kamao sa ring na kilalang numero uno sa listahan ng pound-for-pound, maraming tinatawag na eksperto sa daigdig ng sweet science na ang 147 librang dibisyon ay sobrang napakabigat para sa isang boksingerong nagsimulang lumaban sa timbang na 109 libra.

    Kahit na si Manny na noon ay tinanghal nang pandaigdig na nagma-may-ari na ng sinturon sa flyweight, super-bantamweight, featherweight at super-featherweight para harapin at tangkang talunin ang mas malaki at mas mabigat na si DLH.

    Sa kabila ng kanyang pagiging dehado, dinomina ni Pacquiao si DeLa Hoya at matapos ang walong round, ang korner ng Mehikano-Amerikanong kalaban ay na-obligang ihagis ang puting tuwalya, hudyat ng pagsuko na nagkaloob sa Pilipino ng TKO na panalo na nagbunsod kay DLH na ipahayag ang kanyang pagre-retiro.

    SA bisa ng kanyang impresibong pagsupil sa isang dakilang Olympian, ipinasiya ng kanyang mga promoter na ibaba siya sa timbang ng junior-welterweght para makuha ang ika-anim niyang kampeonato sa walong nakatadhana niyang makolekta..

    Pinatulog ng Pilipino great si Ricky Hatton sa ikalawang round lamang ng nakatakdang 12-round na labanan para mahawakan din ang korona ng 14-librang dibisyon bagay na nagtulak sa mga humahawak sa kanyang career na ibalik siyang muli sa 147 librang klase at hamunin ang nagtatanggol na kampeong si Miguel Cotto para sa titulo ng huli.

    Noong Nobiyembre 14, 2009, pinasuko ni Pacquiao si Cotto sa 12th round TKO sa MGM Grand sa Las Vegas sa sagupaang tinawag na “Firepower.” Laglag ang Puerto Ricano sa lona sa round three at round four bago itinigil ng reperee ang laban may 0:55 segundo na lamang ang nalalabi sa huling round.

    Bukod makuha ang karangalang maging kauna-unahang boksingero na manalo ng kanyang ika-pitong sinturon, ginawaran din ang noon ay kongresistang si Manny ng WBO Super Championship title.

    Nai-uwi rin ni Manny ang kauna-unahang espesiyal WBC Diamond Championship belt na nilikha bilang eksklusibong parangal sa magwawi ng makasaysayang paghaharap sa pagitan ng dalawang pinaka-magagaling na mandirigma sa boksing. Makaraan ang laban, ipinahayag ni promoter at Top Rank top man Bon Arum: “Pacquiao is the greatest boxer I’ve ever seen, and I’ve seen them all, including Ali, Hagler and Sugar Ray Leonard.”

    Naging hudyat din iyon ng negosasyon para sa inaasam na Pacquiao-Floyd Mayweather “Super Fight,” bagamat tumagal ang usapan ng limang taon bago ito naganap.

    Samantala, sa pagitan ng mga pangyayaring ito, matagumpay na naipagtanggol ni Pacquiao ang kanpeonato nang sunod-sunod laban kina Joshua Clottey, Juan Manuel Marquez at Shane Mosley bago ito “ninakaw” sa kanya ni noon ay wala pang talong si Californian Timothy Bradley sa isang kuwestiyonableng split decision noong 2012.

    Larawan: Tumama ng kanan si Manny Pacquiao kay Shane Mosley nang maglaban sila noong Mayo 2, 2011. (Mula sa files ni EDDIE ALINEEA).

    (May Karugtong)

    Share

    New Posts Recently publish post More

    • 14 October 2021
      2 days ago No comment

      3 Steps to getting your BC Vaccine Card

      Related

    • 14 October 2021
      2 days ago No comment

      Maria Ressa’s Nobel Peace Prize is an international Rebuke of the Duterte Regime

      The Malaya Movement in Canada congratulates Maria Ressa as co-recipient of the 2021 Nobel Peace Prize. In its announcement, the Nobel Committee cited Ms. Ressa’s efforts to safeguard freedom of expression, which is a precondition for democracy and lasting peace. Ms Ressa …[is] receiving the Peace Prize for [her] ...

    • 14 October 2021
      2 days ago No comment

      Fil-Cans unite, launch Vancouver, BC 4 LENI 2022

      As the Philippine presidential election draws closer and closer, groups are getting together to support the candidate they feel must become the next president of the country. Filipino-Canadians from all over British Columbia’s Lower Mainland gathered together at the King George Grill Hub in Surrey to gather support for ...

    • 07 October 2021
      1 week ago No comment

      The Miracle Wedding of the Year

      Many of the most great love stories are tragic ones. On this extraordinary pandemic times and on what they went through the couple Laura and Brian you’ll expect it to end with the same way. But to everyone’s joy, it didn’t have the tragic ending like the romance of ...

    • 07 October 2021
      1 week ago No comment

      Jane de Leon excited and quite nervous  to meet director Chito Roño

      I hope to be able to meet his expectations of me,” said Jane de Leon, lead star of “Darna: The TV Series,” her reaction to the news that highly acclaimed director Chito Roño would be officially taking the helm in the much-awaited TV adaptation of the country’s iconic superheroine. ...

    %d bloggers like this: