Alamat ni Manny Pacquao (Ika 30 Bahagi) : “Lalabanan ko, kahit sino, kahit saan, kahit kailan” – Pacquiao

  • Page Views 1330
  • Walang makapipigil kay Manny Pacquiao, ang bayani ng Pilipinas sa larangan ng boksing. Noong Biyernes ng madaling araw, (Sabado sa Maynila) ay ipinahayag ng 42 anyos na senador ang tiyak niyang pagbabalik sa ibabaw ng ring sa ika-21 ng Agosto.

    Hindi naman napakalaking balita ang kanyang pagbabalik na noong pang nakaraang taon dapat maganap bilang pagdiriwang sa kanyang ika-25 taon sa larangang kanyang tinahak bago ito naipagpaliban dala ng pandemya ng Covid 19.

    Ang ikinagulat ng marami ay ang kung sino ang napili niyang makakalaban – ang Amerikanong 2012 London Olympian na si Errol Spence Jr., na mas bata sa ating idolo ng 12 taon at may hawak ng wala pang talong 27-0 panalo-talong talaan.

    May kahalong kaligayahan at pagkabahalang tinanggap ng daigdig ng boksing ang pahayag na ito ni Manny na kakaharapin si Spence galing sa pagkatalo sa pinaka-mahigpit niyang katunggaling si Floyd Mayweather Jr., limang taon na ang nakalilipas kung kailan, matapos ang pagtutuos, ay kinailangan niyang sumailalim sa operasyon sa dislokasyon sa kanyang kanang balikat.

    Matapos ang laban kay “Money Man,” hindi iilan ang mga humulang tapos na ang career ni Manny sa boksing at kailangan na niyang mag-retiro sa dahilang wala nang nalalabi pang lakas sa kanya para magpatuloy.

    Gaya ng alam na rin nila, hindi pa rin ito naging dahilan para isabit ng ama ng lima niyang anak kay Jinkee ang kanyang sapatos na panlaban.

    Makaraan ang sagupaan, na nagbigay sa kanya ng siyam na pigurang kita, tinalo ni Pacquiao si Timothy Bradley sa pangatlo at huli nilang trilohiya, Jessie Vargas, Lucas Matthysse, Adrien Broner at Keith Thurman para sa ika-limang pagkakataon ay mabawi ang kampeonato ng welterweight.

    Patunay na ang kanyang ring career ay malayo pa sa inaasahan ng maraming pabagsak na, katunayan ay lumalakas pa. Ang pahayag ay itinuring na “bomba” sa kawikaan ng sports media kapuwa sa print at broadcast – na nagsipamiyestang lahat nang sumunod na mga araw sa pagpapalabas ng balita sa kani-kanilang pormat.

    Sino nga ba naman ang lalaban sa wala pa ring talong si Thurman noong 2019? O si Bradley makaraang ang pagkabigo niya kay Mayweatner? Kung hindi si Pacuiao na na ginugol ang kanyang buong buhay para labanan ang kahirapan niya at ang kanyang pamilya at kababayan.

    Na siya namang naging dahilan para mahalin siya ng kanyang mga kababayan na nagpakita ng kanilang pagmamahal at suporta hanggang sa marating niya ang kanyang kinalalagyan ngayon.

    Tunay na iilan ang kauri ni Manny sa kasaysayan ng boksing. May ilang pumapanhik pa sa ibabaw ng parisukat na lona sa edad 40 pataas subalit karamihan sa kanila ay mga naghihikahos sa buhay na kailangang lumaban para buhayin ang kanilang pamilya.

    Hindi ang ating si Manny, isang mambabatas at iginagalang na utusan sa pamahalaan. Mayaman na siya at nagma-may-ari ng ilang mansion sa kanyang bayan sa General Santos City sa Mindanao at Kamaynilaan. Hindi na niya kailangan ang boksing. Siya ang kailangan ng boksing.

    Hindi masisisi ang marami na mabahala na lalabanan ng kanilang idolo si Spence. Nababahala sila sa kaligtasan ni Pacquiao., isang mas malaking katunggaling ginulpi ang lahat ng nakasagupa mula nang mag-pro makaraan ang kanyang pagsisilbi sa bansang Amerika bilang Olympian sa London.

    Nakalimutan na nilang para sa Pilipino, ang edad at lalo na ang timbang ay bale wala sa kanya. Ang kalaban ay tumitimbang ng 149 libra na minsan lamang naablot ni Manny nang sagupain niya at talunin ang mas malaking si Antonio Magarito sa timbang na junior middleweight.

    Eh ano kung si Spence ay di pa nakalalasap ng pagkatalo sa kanyang 27 na laban? Tandaang simula nang maging pandaigdig na kampeon noong 1998, walong boksingero na ang nakaharap ni Manny na may malinis na rekord. Lima ang ipinanalo ng ating bata sa mga labang ito at dalawa sa kanila ay sa pamamagitan ng KO.

    Bukod dito, tatlong iba pa ang nakalaban niyang wala pa ring talo pero may isang tabla. 2-0-1 panalo-talo-tabla ang rekord niya rito.

    Bago naging kampeon, nakasagupa rin ni Manny ang 11 sa 10 kalabang wala pa ring talo, kabilang si Bradley na nilupig niya ng dalawang beses sa tatlong laban nilng paghaharap.

    Kilala si Manny sa kamunduhan ng boksing na walang inunurungan. Handa niyang sagupain kahit sino, kahit saang lugar at kahit anong oras. Kahit na sa gulang niyang 42 anyos kung kailan ay wala na ang lakas na dati niyang taglay.

    Ayon kay Sean Gibbons, ang pangulo ngayon ng MP Promotions, nang banggitin niya ang pangalan ni Spence na susunod iyang kalaban, wala man lang pag-a-atulibing tinanggap ng kanyang amo ang planong laban.

    “I have always wanted to challenge myself and take the biggest fights,” ani Gibbons tukoy ang sinabi sa kanya ni Pacquiao. “Errol Spence is an unbeaten champion and those are the kinds of fights I want.”

    Walang dudang dehado si Manny sa sagupaang ito vs Spence pero hindi rin mapapasubaliang ilang beses na ring nalampasan ni Manny ang ganitong klaseng hamon.

    (May Karugtong)

    Share

    New Posts Recently publish post More

    • 28 January 2023
      6 days ago No comment

      Tinig Migrante By E Maestro

      Minister Fraser’s Pathway Announcement: “Disappointing” Migrant organizations, migrant justice advocates, allies, and the thousands of undocumentedmigrants all across Canada still have to see Prime Minister Justin Trudeau deliver onthe promise he made on December 16, 2021 to create a regularization program that willensure regularization for undocumented migrants and permanent ...

    • 27 January 2023
      6 days ago No comment

      Hop on to the Year of the Rabbit

      Welcome to the Lunar Year of the Water Rabbit! On Jan. 25, let’s wish formerpresident, the late Cory Aquino, a very happy birthday in heaven! Rabbits are cute, cuddly, joyful furry creatures and many believe to be superproductive, too. They reproduce fast, which makes them ideal to breed for ...

    • 20 January 2023
      2 weeks ago No comment

      Wala siyang ginawang mali’: Shamcey Supsup on Celeste Cortesi, Miss Universe Philippines future plans

      MANILA, Philippines — Miss Universe Philippines National Director Shamcey Supsup commended Miss Universe Philippines 2022 Celeste Cortesi for a job well done at the recently concluded 71st Miss Universe pageant. The Miss Universe 2011 3rd runner-up also stressed that Celeste should be proud of herself and that the Philippine ...

    • 20 January 2023
      2 weeks ago No comment

      The Menu (PG) *** Running time: 1h 47m Bon Appetit! By Robert Waldman

      Dine out on the antics displayed in The Menu. Now be honest, who doesn’t like to go toa nice restaurant for a good meal? All of us like to be wined and dined. Only the guestswho sign up for The Menu get just a little more than they bargained ...

    • 20 January 2023
      2 weeks ago No comment

      Liza Soberano is moving to LA

      Liza Soberano is moving to Los Angeles, California.This she shared through Filipino–American makeup artist Patrick Starrr’s mostrecent vlog where she underwent a transformation as Miss Universe.When Patrick asked why she is moving to the City OF Angels, Liza explained it’s a careermove.She said: “That’s just because it is much ...

    %d bloggers like this: