Pahayag ng Premier para sa bagong taon

  • Page Views 1957
  • VICTORIA – Nag-isyu ng pahayag si Premier David Eby para sa bagong taon:

    “Ang bagong taon ay panahon para pagnilayan ang nakaraan, ipagdiwang ang ating mga tagumpay at magtalaga ng ating mga hangarin para sa hinaharap.

    “Ngayong taon, nagpakita ng matinding lakas, katatagan at pagmamalasakit ang mga mamamayan ng British Columbia habang hinaharap natin ang naging pinakamapanghamong taon para sa karamihan.

    “Isinasaisip ko ang mga bumbero na pinrotektahan ang ating mga mamamayan at mga komunidad habang nilabanan nila ang pinakanakakapinsalang wildfire season; isinasaisip ko rin ang mga nawalan ng mga tahanan at nalagay sa panganib ang mga komunidad at kabuhayan; at ang mga mamamayan na nagkusang tumulong sa mga na-evacuate. Isinasaisip ko ang mga mamamayang nahihirapang maglagay ng pagkain sa kanilang hapag-kainan dahil sa pandaigdigang implasyon. Mayroong mga guro at support staff na ipinaglalaban ang kanilang mga mag-aaral laban sa mas tumitinding kapootan, homophobia at transphobia. At isinasaisip ko rin ang lahat ng mga bukas-palad na tumulong upang maging mas masigla ang holidays para sa kanilang mga kapitbahay sa pamamagitan ng pagtulong sa kanila, pag-deliver ng pagkain o pagbibigay ng malasakit. Kapag mahirap ang panahon, nagtutulungan ang mga mamamayan ng British Columbia.

    “Narito rin ang pamahalaan para sa inyo.

    “Marami tayong narating para labanan ang mga pinakamalaking hamon na kinahakarap nating lahat at ipagpapatuloy natin ito sa susunod na taon.

    “Nais makatanggap ng mga mamamayan ng tulong para sa tumataas na pang-araw-araw na gastusin dahil sa pandaigdigang implasyon at patuloy na tumataas na interest rates. Nitong nakaraang taon, tinugunan ito ng ating pamahalaan sa pamamagitan ng pagkakaroon ng libreng kontrasepsiyon, pagbawas sa bayad para sa child care, permanenteng pagtaas ng BC Family Benefit, pagpapataas ng minimum wage, pag-freeze ng bayad para sa heating ng BC Hydro, pagbibigay ng libreng almusal para sa mga bata sa paaralan at pagbibigay ng limitasyon sa pagtaas ng bayad sa upa na mas mababa sa implasyon.

    “Nais ng mga mamamayan ng isang maayos na tirahang abot-kaya sa komunidad na gusto nila. Para sa taong 2023, nakapagbigay ang ating pamahalaan ng libo-libong abot-kayang pabahay at nakapagpasa ng isang makasaysayan at transpormasyonal na serye ng lehislasyon na kumakatawan sa isang panghenerasyong pagbabago at inaasahang makapagbigay ng ilang daang libo pang mga tirahan sa susunod na dekada.

    “Nais ng mga mamamayan na magkaroon ng access sa mataas na kalidad na health care na malapit sa kanilang mga tahanan. Ginawa namin itong mas madali ngayong taon sa pamamagitan ng pagdagdag sa ating workforce ng libo-libong doktor, nurse at iba pang propesyonal sa health-care; kasama rin dito ang pagpapatuloy ng ating pagsisikap sa mga bagong ospital at cancer centre; at ang pagpapadali ng proseso para tumira at magtrabaho dito ang mga health-care worker na nag-aral sa ibang bansa. Alam naming marami pang kailangan gawin.

    “Nais ng mga mamamayan na makapagtaguyod ng magandang buhay dito sa B.C. ang kanilang mga anak at apo. Nitong nakaraang taon, ipinagpatuloy natin ang pagpapatupad ng isa sa mga pinakamatatag na climate action plan sa buong kontinente at pinapangunahan natin sa Canada ang recovery pagkatapos ng pandemya para sa mga malalaking province. Nagdagdag rin ng mahigit 56,300 trabaho sa B.C. nitong 2023 at nagkaroon tayo ng pinakamataas na sahod at isa sa mga pinakamababang unemployment rate sa buong bansa. Inilunsad din namin ang ating Future Ready Action Plan upang mas maraming mamamayan ang matulungan para makuha ang kanilang mga kailangang kakahayan para sa mga indemand na trabaho sa ating mas sumisiglang clean economy.

    “Nais rin ng mga mamamayan na mamuhay sa isang patas, makatarungan at ingklusibong lipunan. Nitong 2023, ipinagpatuloy natin ang pakikipagtulungan kasama ang Indigenous Peoples upang magkaroon ng mga makabuluhan at pangmatagalang partnership na makakatulong para magkaroon ng pang-ekonomiya at panlipunang pag-unlad. Mabilis rin kaming umaksiyon upang ikondena ang mas dumaraming pagkakataon ng kapootan at pagsuporta sa mga naapektuhan nito. Nagsagawa rin kami ng mga hakbang upang mabawasan ang gender wage gap at ipinagpatuloy ang pagbuo ng lehislasyon para sa anti-racism upang magkaroon ng mas maraming makatarungang pag-access sa mga programa at serbisyo ng pamahalaan.

    “Ipinakita nitong mga nakaraang taon na kailangan natin ang isa’t isa. Mas malakas tayo kapag magkakasama tayong nagsisikap at kapag inilalagay natin ang ating mga mamamayan sa gitna na lahat ng mga isinasagawa nating desisyon. Sa 2024, layunin kong magkaroon ng magandang pagbabago ang mga mamamayan ng British Columbia sa kanilang mga komunidad at kanilang buhay.

    “Ngayong gabi, ibabahagi namin ng aking pamilya ang aming mga hangarin para sa 2024 at aabangan ang pagsapit ng bagong taon. Kasama sa aking mga hangarin ang patuloy na pagsisikap upang gawing mas maginhawa ang pamumuhay ng mga mamamayan sa B.C. at makapagbigay pa ng alaga at atensiyon at maging matulunging asawa at ama. Napakahalaga nito ngayon dahil nasasabik ako at ang aking asawa na si Cailey na salubungin ang bagong miyembro ng aming pamilya ngayong darating na taon. Tulad ng maraming pamilyang may mga batang anak, papanuorin namin ball drop sa eastern time dahil palagi namang magandang resolusyon ang pagtulog ng mas maaga – lalo na bago ipanganak ang aming bagong anak!

    “Binabati ko ang lahat ng mamamayan sa B.C. ng isang manigong bagong taon at hinahangad kong maging maganda ang 2024 para sa lahat!”

    Share

    New Posts Recently publish post More

    • 13 June 2024
      1 day ago No comment

      Mayor Locke wants a Filipino cultural centre in Surrey, endorses June 29-30 Surrey Fiesta Extravaganza

      The Filipino community in Surrey has a strong advocate in city hall, and it’s none other than Mayor Brenda Locke. In a townhall with members of the community at the central branch of the Surrey public library on June 11, 2024, Locke said that she wishes Filipinos to be ...

    • 06 June 2024
      1 week ago No comment

      BMO signs on as Title Sponsor for 2024 Surrey Fiesta Extravaganza

      Left to Right:  M. Hernandez, Ray Lino (Mid-Market Relationship Mgr, Commercial Banking), Yvette Castro (Mid-Market Director & Team Lead, Commercial Banking), Hayley O’Donnell. (Regional Program Mgr – Customer Segments, BC&Yukon), R. Fortaleza, Aminmohmed Sunderji (Regional Vice President, Personal Banking), Mike Calingo (Associate Director, Commercial Banking – Cross  Border), Stacey ...

    • 01 June 2024
      2 weeks ago No comment

      Mable Elmore: let’s honour our diversity and stand up against hate

      In addition to her role as Member of the Legislative Assembly (MLA) of British Columbia for Vancouver-Kensington, Mable Elmore is also the province’s Parliamentary Secretary for Anti-Racism Initiatives. On May 27, 2024, Elmore released a statement urging everyone to continue the fight against racism whenever and wherever hate and ...

    • 01 June 2024
      2 weeks ago No comment

      Statement from the Mayor: Pattullo Bridge

      On Friday, the province revealed the Pattullo Bridge replacement has been delayed for the second time. This vital crossing for Surrey will not be completed and open to traffic until the fall of 2025. The provincial government has mandated cities to create more housing, yet the province is falling ...

    %d bloggers like this: