Pahayag mula kay Premier Horgan at Parliamentary Secretary Lore para sa International Women’s Day

  • Page Views 482
  • VICTORIA – Inisyu ni Premier John Horgan at ni Grace Lore, ang Parliamentary Secretary for Gender Equity, ang sumusunod na pahayag para sa International Women’s Day:

    “Sa International Women’s Day, nais naming bigyang karangalan ang mga kababaihan, mga batang babae, two-spirit, at non-binary na mga tao sa ating province na napakadalas na nagiging haligi ng ating mga pamilya, mga kapitbahayan, at mga komunidad.

    “Ang mga nakalipas na taon ay naging napakahirap para sa lahat, pero lalo na para sa mga kababaihan. Ang mga kababaihan ay mas kadalasang naapektohan ng mga pagsusubok ng pandemya sa ekonomiya, at sila’y mas may malaking responsibilidad para sa home-schooling at caregiving kapag napuputol ang mga serbisyo. Marami rin ang naging biktima ng karahasan dahil sa kasarian sa panahon ng krisis.

    “Ang ating kasalukuyang recovery mula sa pandemya at mga kalamidad na may kinalaman sa klima ay dapat batay sa equity o pagiging pantay-pantay, habang kinikilala natin na ang mga sistemikong hadlang at mga di-pagkakapantay-pantay ay lumalakas kapag may mga emergency. Ito’y lalo na para sa mga Indigenous na kababaihan, women of colour, mga kababaihang may mga kapansanan, trans women, at mga táong nasa 2SLGBTQ+ community. Kami ay dedikado sa isang recovery kung saan kinikilala na tayo’y mas malakas kapag magkasama, at tayo’y pinakamahusay kapag walang naiiwan o kaya walang pinipigilan dahil sa kung sino sila.

    “Sa panahon kung kailan ang trans people, lalo na ang trans na kababaihan at mga batang babae, ay mas inaatake sa buong mundo, idinaragdag din namin ang aming boses upang sabihin nang malinaw na ang mga trans na kababaihan ay mga babae.

    “Nalalaman namin na ang access sa mahusay na child care ay mahalaga para sa kakayahan ng mga kababaihan na magtrabaho, matuto, at lumahok sa ekonomiya, kaya’t pinagsisikapan naming gawing isang pangunahing serbisyo ang mahusay na child care na maaasahan ng bawat pamilya. At gamit ang improved skills training initiatives, isinasara namin ang skills gap na naging dahilan kung bakit ang mga kababaihan ay hindi nakakakuha ng mga high-demand na trabahong may mataas na suweldo. Upang masigurado na ang trabaho ng mga kababaihan ay binabayaran nang sapat, ipagpapatuloy namin ang mga plano upang isabatas ang pay transparency legislation – sa unang beses sa B.C.

    “Gayunman, alam namin na pagdating sa equity, ang unang-unang kinakailangan ay kaligtasan at kalayaan mula sa karahasan. Walang sinuman ang makakarating sa kanyang buong potensyal kapag siya’y inaabuso. Ito ang dahilan kung bakit simula sa araw na ito ay magtatanghal kami ng engagement sessions na makakatulong sa amin na maghatid ng multi-year action plan hanggang sa katapusan ng 2022 upang tugunan ang karahasan dahil sa kasarian.

    “Ito’y itatatag sa mga inisyatibong isinasagawa na ngayon, tulad ng pagpondo sa community-based sexual assault response services na ibinigay noong 2020 at 2021, at sa bagong funding na inanunsyo sa Budget 2022 na magiging annual at magiging predictable. Ito’y magbibigay ng trauma-informed support na nakasentro sa biktima, upang tulungan ang survivors ng mga sekswal na panggagahasa habang sila’y dahan-dahang bumubuti.

    “Habang pinagsisikapan nating tugunan ang karahasang malapit sa tahanan, ang aming mga puso’y nahahabag sa mga táong kasalukuyang naghihirap at nasa lubhang mapanganib na sitwasyon dahil sa paglusob ng Russia sa Ukraine. Ang mga kababaihan, mga batang babae, at lalo na ang mga trans women, women of colour, at mga kababaihang may mga kapansanan ay nagdurusa dahil sa digmaan, at ang karahasan dahil sa kasarian ay kadalasang isang tool na ginagamit kapag may labanan. Dedikado kami sa kapayapaan at hinahatulan namin ang lahat ng mga anyo ng karahasan.

    “Magkasama nating lahat gagamitin ang ating mga pagkakataon upang itaguyod ang pagiging pantaypantay ng lahat at upang itaguyod ang karapatan ng lahat na mamuhay nang malaya sa diskriminasyon at karahasan, upang magtatag ng mas mabuting kinabukasan para sa mga kababaihan, mga batang babae, two-Spirit, at non-binary na mga tao sa British Columbia.”

    (Lindsay.Byers@gov.bc.ca)

    Share

    New Posts Recently publish post More

    • 13 June 2024
      2 days ago No comment

      Mayor Locke wants a Filipino cultural centre in Surrey, endorses June 29-30 Surrey Fiesta Extravaganza

      The Filipino community in Surrey has a strong advocate in city hall, and it’s none other than Mayor Brenda Locke. In a townhall with members of the community at the central branch of the Surrey public library on June 11, 2024, Locke said that she wishes Filipinos to be ...

    • 06 June 2024
      1 week ago No comment

      BMO signs on as Title Sponsor for 2024 Surrey Fiesta Extravaganza

      Left to Right:  M. Hernandez, Ray Lino (Mid-Market Relationship Mgr, Commercial Banking), Yvette Castro (Mid-Market Director & Team Lead, Commercial Banking), Hayley O’Donnell. (Regional Program Mgr – Customer Segments, BC&Yukon), R. Fortaleza, Aminmohmed Sunderji (Regional Vice President, Personal Banking), Mike Calingo (Associate Director, Commercial Banking – Cross  Border), Stacey ...

    • 01 June 2024
      2 weeks ago No comment

      Mable Elmore: let’s honour our diversity and stand up against hate

      In addition to her role as Member of the Legislative Assembly (MLA) of British Columbia for Vancouver-Kensington, Mable Elmore is also the province’s Parliamentary Secretary for Anti-Racism Initiatives. On May 27, 2024, Elmore released a statement urging everyone to continue the fight against racism whenever and wherever hate and ...

    • 01 June 2024
      2 weeks ago No comment

      Statement from the Mayor: Pattullo Bridge

      On Friday, the province revealed the Pattullo Bridge replacement has been delayed for the second time. This vital crossing for Surrey will not be completed and open to traffic until the fall of 2025. The provincial government has mandated cities to create more housing, yet the province is falling ...

    %d bloggers like this: